शीर्षक : छठ पूजा
विधा : पद्य ( भोजपुरी )
बीतल दीपावली त्यौहार ,
आईल छठ व्रत व्रतिहार ।
अईली छठी मईया घरे घरे ,
व्रती हो जा लोग तईयार ।।
सनातन धर्म खूदे पावन ,
सबसे बड़ बा छठी पूजा ।
व्रत त्यौहार जतना बाटे ,
छठ जईसन नईखे दूजा ।।
पटाखा छोड़ जश्न मनाईं ,
पतंगबाजी के करीं सैर ।
घर से लेके घाट ले चलीं ,
पैदल बिन चप्पल के पैर ।।
छठ पूजा त खुदे पावन ,
तुरंत देवेली ओकर फल ।
आज के फल आजे मिली ,
ना टले परसों चाहे कल ।।
छठ निभाईं होशियारी से ,
बचाईं बचपना व्यवहार ।
घर से लेके घाट देख लीं ,
भईल बिजली के शृंगार ।।
पूर्णतः मौलिक एवं
अप्रकाशित रचना
अरुण दिव्यांश
छपरा ( सारण )
बिहार ।
